(ـــــــــ)

لا أعرف بماذا أُسميك لم تأخذ لقباً بداخلى بعد
فلنكتفى بفارســى الأن..
فقد رسمتك بخيالى فارساً من تلك الأساطير التى أعشقُها وتمنيت لو أننى كُنت وليدة هذا العصر..
وستكتمل صورتك داخلى رويداً...رويداً
سأدعها تكتمل بكُل أريحية إلى أن يأذن الله للقاءنا..
ويُفأجنا القدر بما لم نتوقعه..
سأنتظر وكلى شغف أن تكتمل صورتك داخلى بكُل تفاصيلها
وأحتفظ بأحلامى فيك..
حتى أنت وتفاصيلك سأحفظها سراً..سأجعلها مُبهمة..
حتى أكون أنا أول من يأخُذ براءة الإختراع فى فك طلاسمها
سأُخفيك بين أضلُعى كى تذوب داخل كيانى..
ستكون أنت دواء القلب ومُهجة الروح وروح الفؤاد..
ستكون قلبى وقالبى..
لن أُخفى عليك مدى إشتياقى لرؤية تؤام روحى من كتبه الله لى فى السماء..
لدى شغف بأن أعرف تفاصيل حكايتنا معاً..
أتمنى أن يكون لديك مثيل الشغف هذا..
حتى أرتاح وأطمئمن بأننى لستُ وحدى التى تشتاق..
بل هُناك بالجانب الأخر من يُناجينى مثلما أُناجيه..
كُن بخير من أجلى أنا..
وحافظ على قلباً بالمُستقبل القريب سيكون ملكى أنا..

♥♥♥

أول مــرة

(ـــــــــــ)

هى كُل حاجة حلوة بتحصلنا أول مرة وأحيانا بتبقى مؤلمة وموجعة جداً

                 

زى أول مرة دخلت فيها المدرسة كان يوم بالنسبة لى غير عادى 

إنى كبرت خلاص كده وهشوف ناس تانية غير اللى كُنت عايشة    

معاهم وهبذُل كُل جُهدى عشان أبقى مُتفوقة مع إنى مكُنتش كده

أوى يعنى بس وقتها كانت أسعد لحظة فى حياتى..

وأول مرة المُدرسة عجبها خطى ع الورق وخلتنى أكتب بالقلم 

الجاف بدل الرصاص ساعتها كنت هطير من الفرحة

بس ياريتنى فضلت أكتب بالقلم الرصاص يمكن ساعتها كُنت 

أقدر أمحى أى حاجة فى حياتى مش عايزة أفتكرها..

وأول مرة أتحبيت فيها بالرغم من إنى يمكن مقدرتش أحس بيه

بس كفاية إنى حسيت لأول مرة يعنى إيه إنسان ممكن يعمل أى 

حاجة لمُجرد بس إنك تبادليه مشاعره 

حاجة كده نظيفة وصافية من القلب حُب وخوف من ربنا فى نفس 

الوقت..

وأول مرة أنا حبيت فيها مش مهم الحُب ده كِمل ولا لا بس الأهم

إن قلبى زقزق لأول مرة 

ودى كانت فى حد ذاتها شعور مش مُمكن أوصفه..

كُل دى أحاسيس حلوة أوووى كُل ما بفتكرها بحس من جوايا بشعور غريب وبتمنى لو يرجع بيا عمرى وأعيش اللحظات دى تانى

لكن أيامنا مش هتبقى كُلها حلوة..

فى لحظات جارحة ومؤلمة وأيام مكُنتش بتعرف إذا كانت هتعدى عليك ولا لا

زى أول مرة بكيت بجد

  

وأول مرة أتجرحت من حد كُنت فاكر إنه كان مُمكن يبقى بالنسبة

لك شىء كبير ومُهم لكن طلع عكس كده.. 

وأول مرة اتصدمت من صديق أو صديقة كُنت بتعتبره من عيلتك

وكُل أسرارك معاه

وفى الأخر تكتشف إنه كان معاك مصلحة

وأول مرة حسيت إنك وحيد بالرغم من الناس اللى حواليك

وأول مرة متعرفش تحس بالأمان لاإنك ببساطة بتجهل معناه

ومش لاقى اللى يحسسك بيه بجد

هى أول مرة لكُل حاجة صعبة فى حياتنا هجر وألم وخصام وحاجات تانية كتير مش مُمكن توصفها بكلام أو حتى تكتبها على الورق..

بس لما تبُص على كل الحاجات دى هتلاقى نفسك زى ما حزنت وتعبت فى يوم أكيد برضه فى حاجات فرحتك 

وزى ما أتألمت أكيد لقيت اللى يعوضك عن ألمك وحتى لو ملقتش

أكيد فى يوم من الأيام هتلاقى ولما تصبُر أكتر ربنا يجازيك على صبرك أكتر وأكتر

ومهما أتجرحت أكيد برغم الجرح إتعلمت كتير وأخدت خبرات أكتر بكتير من الجرح اللى أنت حسيت بيه 

يمكن وقعت شوية وحسيت إن الدُنيا سودة بس لما تفوق هتعرف 

إن الدُنيا دى لازم تتعاش بحلوها ومُرها لازم تعيسها

ربنا خلقنا عشان نعيش كُل لحظة فى حياتنا مهما كانت سيئة 

يمكن بيختبر صبرنا أو عشان نأّمن أكتر بإننا لما ربنا يكرمنا بالجنة هيعوضنا عن كُل ألم عشناه

متحاولش تفكر فى حاجة راحت وخلصت من حياتك فكر بس إزاى تكمل اللى باقى من عمرك وأنت راضى عن نفسك 

وإن ربنا أن شاء الله هيرضى عنك

حِب نفسك وعيشها صح ومتحاولش تفكر فى رأى غيرك فيك

عشان رأيك أنت فى نفسك أهم بكتير من الناس 

ومتحاولش تعمل حاجة وإنت مش راضى عنها لمجرد إنها هتلفت الإنتباه ليك أو تخليك مشهور

أعمل بس الحاجة اللى تعجبك وتخليك فى نظر نفسك فخور بنفسك

إعمل اللى أنت شايفه صح مش اللى الناس شايفاه

وحِب الدُنيا والناس برغم ألمك وجرحك هتلاقى قلبك فتح جناحاته ورفرف للحياة

عشان الحُب هو أساس كُل شىء 

هو ده إحساس اول مرة لانى فعلاً أول مرة أواجه نفسى بحاجات 

كتير أوى مكُنتش شايفاها 

خليك صادق قُدام نفسك وأنت تعيش صادق مع كُل الناس طول الحياة

((عُذراً للإطالة))