نظرة بريئة وطيبة
وروح تكون لى قريبة
وإيدين تطبطب بالحنان على طول يزول منى الألم
محتاجة روح دوا للجروح
علشان يروح منى التعب
أما العتاب لا يكون عذاب
أو كلمة بتطير فى السراب
يكفينى لو نظرة رقيقة أوام يروح منى الزعل
عايزاك حنون ساحر عيون
تدوب القلب فى ثوانى
وكل صعب معاك يهون
محتاجة يكون قلبك برىء.. صادق.. رقيق
دايماً دليلى ولطريقى أعظم رفيق
عايزاك تكون إنسان قوى
يدوب فى إيديك قلبى القوى
كون لى الأمل كون لى الأمان
جدد حياتى وأمحيلى كل اللى كان
وبنظرة منك تتنسف أحزان زمان
كون لى الحياة لو كلمة حلوة تدوب بنا أى آآه
تمحى الألم..تمحى الندم..تمحى الجروح
كلمة شبه نسمة بريئة تغنينى بيها عن أى روح
يمكن كلامى يكون كتير
أنا بس محتاجة حُب بضمير
أحلام جوايا ملغبطة
لكنى فيها متشعبطة
بحلم أكون مزأططة بحُب حبيبى والحياة
وتكون معايا فى كل خطوة وتنسينى قبلك أى آآه
محتاجة بس تكون لقلبى أنت السكن
حُبك أكيد وانت الوحيد هعرف معاك معنى الوطن
❤ ❤ ❤ ❤ ❤
حلووووووووووووة اوي و دمها خفيف :)) يارب يرزقك بحب طاهر بريء شبه قلبك كدا ^ ^
ردحذفصباح الغاردينيا أميرة
ردحذف:)
بجد حبة شقاوة بطعم العسل
تجننننننننننننننننن "
؛؛
؛
لروحك عبق الغاردينيا
كانت هنا
reemaas
تسلمى ريماس
حذف:)))
محتاج منك انك ما تبطليش أبدا تتحفينا و تمتعينا بروعة كلماتك دي، دايما كالعادة رقة الكلمة و رقة الاحساس و المشاعر هي الوصف الدائم لكلماتك الرائعة يا أميرة..تحياتي
ردحذفتسلم يا أحمد دايما بتسعدنى ردودك ومرورك هنا
حذفتحياتى:)))
رقيقه انتى بكل معنى الكلمه يا ميرو
ردحذفعارفه عجبنى انك ملتزمتيش بالقافيه واهتميتى بخفه الكلمات وانك تمشي بموسيقي بترن
دة اللى حاسيته انا مش ناقده بس اللي بحسه بقوله
دومتتى مبدعه ومتطورة في افكارك واحاسيسك :)
رونا حبيبتى ربنا ما يحرمنى منك أبداً
حذفولا من كلامك اللى بيرفع معنوياتى:)))
طلبات مشروعة ^_^
ردحذفربنا يسعد قلبك
تسلم إيدك