شوية فضفضة

عارفين إيه هى أحلى حاجة فى الدنيا

إنك تحسن بالأمان
إنك مطمن وعارف إن فى حد جمبك بيهون عليك
إنك تعيش فى وسط ناس بيحبوك من غير مجاملات ولا كلام طاير فى الهوا
إنك تحلم وأنت متأكد إن أكيد إن شاء الله ربنا هيحققلك اللى بتحلم بيه
عشان إنت واثق فيه
أحلى حاجة فى الدنيا إنك تعيش وبالك مرتاح
من غير صراعات ولا مشاكل
ولا حد بيحب حد عشان مصلحة
ولا حد بيجاملك فى وشك ومن وراك بيتكلم بطريقة وحشة عليك
هتبقى الدنيا حلوة لو كل الناس بقت بتحب بعضها
لو ساعدنا الناس حتى لو مطلبتش مننا مساعدة
الدنيا هتبقى حلوة بدعوة حد كبير ميعرفكش لمجرد إنك بس مديتله إيدك
صدقونى هتبقى حلوة أوووووى لو كلنا حبينا الخير لبعض
من غير ما نبص للى فى إيد بعض
هتبقى حلوة لو بس قولنا ياااااااااارب بجد من قلبنا
لو عملنا الغلط وندمنا عليه وبقى فيه وعد بينك وبين ربنا أنك مش هترجعله تانى
الدنيا هتبقى حلوة
عشان قلوبكم نضيفة وبيضة ومش بتشيل من حد ولا بتشيل لحد
الدنيا هتبقى حلوة عشان أحنا عايزنها حلوة
أصلها بتتعاش مرة واحدة بس