28‏/7‏/2012

وإيه يعنى

وايه يعنى
جوايا إحساس بالألم
بس لازم اعيش
حسيت بشىء م الندم
عادى ميهمنيش
بدور ع الحنان
برضه عادى
يمكن الحنان هو اللى ملقانيش
هعيش لوحدى فترة
وإيه يعنى ما أنا طول عمرى فى الوحدة بعيش
لقيت الدنيا وحشة
عادى
هو إيه فى الدنيا يخلى الواحد ما يبكيش
حُب راح من حياتى
برضه وإيه يعنى
ما يمكن راح عشان ما يستاهلنيش
حُزن..ألم..وجراح
كلها حاجات لازم تتعاش
ومسيرها فى يوم تخلص وما تجيش
لازم أتحمل كُل حاجة فى دُنيتى
وأتحداها وأصرخ وأقول بعلو صوتى
هعيش يعنى هعيش
وطظ فى أى حاجة
وبرضه مايهمنيش
:)))


   

هناك 15 تعليقًا:

  1. ممممممممم
    دفعات معنوية إيجابية لازم الواحد دايما يديها لنفسه من وقت للتاني


    حلو أوي يا أميرة .. وهو ده بقى D:
    طز في أي حاجة

    بالتوفيق دايما

    ردحذف
  2. هعيش يعنى هعيش
    وطظ فى أى حاجة
    وبرضه مايهمنيش !!
    ..
    جميلة جدا جدا قصيدتك يا اميرة، بكلماتها الجميلة الموسيقية و طبعا بروح الايجابية و الامل و التفاؤل فيها..تحياتي

    ردحذف
    الردود
    1. تسلم يا احمد ومنورنى دايما:))

      حذف
  3. حلوة اوي يا اميرة وحشتني مدونتك معلش اني غيبت عنها كتير :)

    ردحذف
    الردود
    1. ولا يهمك يا قمر عودا احمد ونورتى المدونة من جديد:)))

      حذف
  4. راااااااااائعة

    جميلة اوي القافية والكلام والتحدي الرائع ومواجهة الحياة بقلب واثق في بكره وميهموش

    رائع عجبتني جدا

    ردحذف
    الردود
    1. تسلمى يا ياسمين مبسوطة إنها عجبتك من بعض ما عندكم:))))

      حذف
  5. ياعم انت ياعم :))))

    بحب خفه الموسيقي واللحن بتاعك دة بيجد يعنى

    تسلم ايدك

    ردحذف
    الردود
    1. حبيبتى يا رونا أنتى الأحلى:))

      حذف
  6. ربنا يجعلها آخر الأحزان

    ردحذف
  7. كل سنة وانتي طيبة بمناسبة عيد الفطر المبارك

    اعاده الله عليكي وعلي اسرتك بالخير والبركة

    ردحذف